നഷ്ട്ടം 🥺 അരിക് ചേർന്നുറങ്ങിയോന്റെ ചലനമില്ലാ കരങ്ങളിൽ തണുത്തുറഞ്ഞതിൽ നിശ്വസിച്ചു. മരുന്നുകളുടെ വാട നാസികയിൽ തുളച്ചുവെന്നിരിക്കെ, പാതിമയക്കം പാടെ മുറിച്ചതിൽ ശ്വാസം മുട്ടും വിധം ഉൾക്കിടിലം തട്ടിത്തടഞ്ഞു. നിശ്ചലമായൊരു കുഞ്ഞു മെയ്യിൽ വിയർപ്പു കണങ്ങൾ തങ്ങി നിൽക്കേ , അടിമുതലൊരു തരിപ്പ് പടർന്നു, കണ്ണിലോ ഇരുട്ടും കയറി. ഓടുന്ന മനുഷ്യർ, പതറുന്ന കയ്യുകൾ പിടയുന്ന ആശങ്കകൾ കലങ്ങിയ കണ്ണുകൾ ഒടുവിൽ ചലനമറ്റ കുഞ്ഞു മേനിയിൽ നിന്ന് വരകളുള്ള കുപ്പായം പതിയെ നീക്കി. ഒട്ടിയ വയറിന്റെ മേലെ വാരിയെല്ല് തെളിഞ്ഞതിൽ മാതൃഹൃദയം മുറിഞ്ഞു, നെടുകീറി ചോര പൊടിഞ്ഞു . കാർമേഘം കൊണ്ട് അനാവരമായ അന്തരീക്ഷത്തിലെ ഇരുട്ടിൽ അവശതയുടെ നിണം പൊട്ടിയൊലിച്ച് വഴികൾ ശൂന്യമായി . ഉള്ളറകളിൽ പൊട്ടിത്തെറിക്കുന്ന ഇടിമുഴക്കങ്ങൾ, കടലിരമ്പൽ പോലെ കുതിച്ചുയരുന്ന നോവിന്റെ തിരകൾ, തിരികെ വരില്ലെന്നിരിക്കെ നഗ്നസത്യങ്ങൾ വിഴുങ്ങാനാ മനം മടിച്ചു. പതിനൊന്നിന് അടക്കം ,ജുമുഅ അല്ലെ നേരം ഒരുപാടൊന്നും വൈകിക്കണ്ട, ആരെയും കാത്ത് നിൽക്കണ്ട ദൃധി പിടിച്ചാരൊക്കെയോ പറയുന്നുണ്ട്. “വേണ്ടെന്ന്” ...ഉള്ളം മുഴുക്കെ പറയാൻ കൊതിച്ചു . ആ ചൂടില്ലാതെയെങ്ങനെയാണ് ഞാൻ അന്തിയുറങ്ങുന്നത്, കല്ലിച്ച സ്ഥനപാനിയെന്നെ നോക്കിയൊന്നു പള്ളിളിച്ചു. “വിധിയല്ലേ”. ..വേദനിക്കേണ്ടന്ന് പറയാൻ അർഹരല്ലെന്ന് പലരും പറയാതെ പറഞ്ഞു . സ്വർഗത്തിലേക്കുള്ള കുഞ്ഞു പുഷ്പ്പങ്ങളെ നേരത്തെ നാഥൻ വിളിച്ചതിന് ആരോട് പരാതി പറയുമെന്നോർത്ത് മനം കടുത്തു. അവസാന നോട്ടം കാണിക്കാൻ തിക്കോ തിരക്കോ കൂട്ടേണ്ടതില്ലാ, കാണാത്ത മനുഷ്യരെ ജീവനറ്റ്‌ കാണാൻ തിടുക്കമെന്തിന്. ..! വന്നവരൊക്കെയും അതിഥികളല്ലെ, നിമിഷ നേരങ്ങൾ കൊണ്ട് പിരിഞ്ഞു പോകേണ്ടവർ. ഒപ്പാരി പാടേണ്ടാത്ത, ഒരുപാട് വേദനിക്കേണ്ടാത്ത, പൂർണ്ണ വളർച്ചയെത്തിയിടാതെ പോയൊരു വയസ്സുകാരനിത്രയും മതിയെന്ന് വന്ന മനുഷ്യരൊക്കെയും ഓർത്ത് കാണും. #👨‍👨‍👧‍👦 ജീവിതം #😔വേദന #😢കണ്ണുനീർ #🗣️ ഡയലോഗ് സ്റ്റാറ്റസ് #💓 ജീവിത പാഠങ്ങള്‍