*ബാബരി...* *'ഞാൻ ഇന്ത്യയുടെ കവിളിൽ വീണ കണ്ണുനീർ....* *"ഞാൻ ബാബരി....* *ഓർമ്മയുണ്ടാകുമോ എന്നെ നിങ്ങൾക്ക്??"* *"ഉണ്ടാകില്ല;* *അശുഭകരമായതൊന്നും ഓർക്കാൻ ആവില്ലല്ലോ നിങ്ങൾക്ക്.'മറവി* *ഒരനുഗ്രഹമാണെന്നു നിങ്ങൾ തന്നെ പറയുന്ന ഒരൊഴിവ് കഴിവാണല്ലോ!?* *എന്റെ ഹൃദയത്തിലാണ് നൂറ്റാണ്ടുകൾ വിശ്വാസികൾ നാഥന് സൂജൂദ് ചെയ്ത‌ത്.* *ആർക്കും ഞാൻ ഒരു ശല്യമായിരുന്നില്ല.. എന്റെ മിനാരങ്ങളിൽ നിന്നും മുഴങ്ങുന്ന ബാങ്കിൻ ധ്വനികളാണ് അയോധ്യയുടെ പുലരിയെ ഉണർത്തിയിരുന്നത്...* *എന്റെ മുന്നിലൂടെ കടന്നു പോകുമ്പോഴെല്ലാം അമുസ്ലിംകൾ പോലും എന്നെ നോക്കി കൈകൂപ്പിയിരുന്നു..* *എല്ലാം കീഴ്മേൽ മറിഞ്ഞു ആ ദിനം..* *അന്നത്തെ ആ ഡിസംബർ ആറിന്റെ കറുത്ത മധ്യാഹ്നം!.* *എന്റെ മുകളിലേക്ക് ചീറിയടുത്ത കർസേവകർ എന്നെ ആക്രമിക്കുമ്പോൾ ഞാൻ അലറി പക്ഷെ ബധിര കർണ്ണങ്ങൾക്കതു കേൾക്കാനാവില്ലല്ലോ. നിസ്സംഗതയുടെ പുതപ്പിനുള്ളിൽ അന്നുറക്കത്തിലായിരുന്നു നിങ്ങളും..!!* *എന്റെ മണ്ണിനൊരു സുഗന്ധമുണ്ടായിരുന്നു. ബഹുസ്വരതയുടെ നിർമ്മാതള പൂവുകൾ സുഗന്ധം പരത്തുന്ന മണ്ണ്, എന്ന് നിങ്ങളിലെ കവികളും* *സാഹിത്യകാരന്മാരും പാടി ടാഗോറും ഇഖ്‌ബാലുമൊക്കെ വാക്കുകളുടെ വാഗ്മയ വീര്യം പ്രകടിപ്പിക്കുമ്പോൾ കൂടി! പക്ഷെ എന്റെ മേൽ മഴു പതിയുമ്പോൾ ഞാൻ ആരെയും അലറി വിളിച്ചില്ല!! എന്നെ* *പിച്ചിച്ചീന്തുമ്പോൾ, എന്റെ മേൽ ആസുര നൃത്തം ചവിട്ടുമ്പോൾ അരുതെന്നു പറയാൻ ആരെയും കണ്ടില്ല.* *എല്ലാം നോക്കി നിൽക്കുന്ന പട്ടാളത്തെ ഞാൻ കണ്ടു.* *ഇന്ദ്രപ്രസ്ഥത്തിലെ ചക്രവർത്തിമാർ മൗനത്തിന്റെ വാത്മീകത്തിൽ ഒളിച്ചതു എനിക്ക് കാണാമായിരുന്നു..* *ഒടുവിൽ ഞാൻ കല്ല് കല്ലോട് ചേർന്ന് പൊടിഞ്ഞു തീരുമ്പോൾ സത്യത്തിൽ മരിച്ചത് ഞാൻ ആയിരുന്നില്ല. ഈ മണ്ണിന്റെ ജനിതക നന്മകളായിരുന്നു..എന്റെ താഴികക്കുടങ്ങളോടൊപ്പം തകർന്നു വീണത് കേവലം കല്ലും മണ്ണുമല്ല ഈ രാജ്യത്തിന്റെ നന്മ കൂടിയാണ്.* *നിങ്ങൾക്കതിനെ തരാതരത്തിൽ 'മതേതരത്വം' എന്ന് വിളിക്കാം. ആ വാക്ക് നിങ്ങളുടെ* *ഡിക്ഷ്‌ണറിയിലെ വെറുക്കപ്പെടുന്ന വാക്കാണല്ലോ!? അതി വൈകാരികതയും, അതി ദേശീയതയും അരങ്ങു വാഴുന്ന* *വർത്തമാനത്തിൽ എന്നെ ആരോർക്കാൻ? നിങ്ങൾക്കും മടുത്തു തുടങ്ങിക്കാണും.* *ഇരുപത്തി ആറു വർഷങ്ങൾ!! നിങ്ങൾ മറന്നു തുടങ്ങി എന്നറിയാം..* *ഉള്ളു പിടയുന്ന വേദനയിൽ, എന്റെ കണ്ണീർ വറ്റിയിട്ടില്ല. എനിക്കൊരു പ്രതീക്ഷയുണ്ടായിരുന്നു. എന്നെങ്കിലും എനിക്കൊരു* *ഉയിർത്തെഴുന്നേൽപ്പുണ്ടാകുമെന്നു.ഓരോ ആണ്ടിലും ഒരു കുറിപ്പെഴുതി നിങ്ങൾക്ക് ബാധ്യത തീർക്കാം.അതോടെ നിങ്ങളുടെ ഓർമയും അവസാനിക്കും!!* *കണ്ണു കെട്ടിയ നീതിപീഠങ്ങൾ എനിക്കായി ഇനി കണ്ണ് തുറക്കുമെന്ന വിദൂര പ്രതീക്ഷ പോലും* *എനിക്കില്ല. എന്റെ വേദന അതല്ല; ഞാൻ എന്ത് തെറ്റാണ് ചെയ്ത‌ത്? എന്നും ഞാൻ ഈ രാജ്യത്തിന്റെ* *മനോഹരമായ കവിളിലെ കണ്ണീരായിരിക്കും. കറുത്ത കണ്ണീർ... സ്നേഹപൂർവ്വം ബാബരി* > Unknown > [Posted Date:6/12/2022] #🕋 ഇസ്ലാമിക് സ്റ്റാറ്റസ് #ഡിസംബർ 6... ബാബരി മസ്ജിദ് ദിനം 😍