#😍 ശ്രീകൃഷ്ണ ജയന്തി ആശംസകൾ 🪈 #☀️🌹🌹 ശ്രീകൃഷ്ണ ജയന്തി ആശംസകൾ 🙏🌹🌹🌹🌹❤️ #ശ്രീകൃഷ്ണ ജയന്തി. #🥰 ശ്രീകൃഷ്ണ ജന്മാഷ്ടമി സ്റ്റാറ്റസുകൾ! 🪈 #ശ്രീകൃഷ്ണ ജയന്തി ആശംസകൾ🙏🏻 #ശ്രീകൃഷ്ണചരിതഗീതാസാരം🙏 ❤️🥰❤️ ധർമ്മത്തിന്റെയും സത്യത്തിന്റെയും പ്രതീകമായി ഭൂമിയിൽ അവതരിച്ച ദിവ്യപുരുഷനാണ് ശ്രീകൃഷ്ണൻ. ദേവകിയുടെയും വസുദേവന്റെയും മകനായി ,അമ്മാവനും രാജാവുമായ കംസന്റെ കാരാഗ്രഹത്തിൽ ജനിച്ചെങ്കിലും, ഗോകുലത്തിൽ യശോദയുടെ മടിയിൽ വളർന്ന ബാലകൃഷ്ണൻ തന്റെ ബാല്യകാലം തന്നെ അസാധാരണമായ ശക്തികളാൽ ലോകത്തെ വിസ്മയിപ്പിച്ചു. പൂതനയെ സംഹരിച്ചു, ശകാടനം തകർത്തു, കാളീയനാഗത്തെ അടക്കി, ഇന്ദ്രന്റെ കോപത്തിൽ നിന്നും ഗ്രാമവാസികളെ രക്ഷിക്കാൻ ഗോവർദ്ധനഗിരി ഉയര്‍ത്തി തുടങ്ങിയ അമാനുഷിക പ്രവർത്തികളിലൂടെ വെറുമൊരു മനുഷ്യനല്ലാന്നും ദൈവാംശമുള്ള ദിവ്യജന്മമാണെന്ന് ജനങ്ങൾ മനസ്സിലാക്കി. ബാല്യത്തിലെ രസലീലകൾ, രാധായോടുള്ള ദിവ്യാനുരാഗം—ഇവയെല്ലാം ഭക്തിയുടെ പരമാവധി പ്രതീകമായി മാറി. യുവാവായപ്പോൾ മഥുരയിൽ ചെന്നു ക്രൂരനായ കംസനെ വധിച്ച് മാതാപിതാക്കളെ മോചിപ്പിച്ചു. തുടർന്ന് ദ്വാരക നഗരം സ്ഥാപിച്ച് ജനഹിതം മാനിച്ച് രാജ്യഭരണം നടത്തി. മഹാഭാരതത്തിലെ മഹായുദ്ധത്തിൽ പാണ്ഡവരുടെ വിശ്വസ്തസുഹൃത്തായും അർജുനന്റെ സാരഥിയായും നിന്ന കൃഷ്ണൻ, യുദ്ധഭൂമിയിൽ തന്നെയാണ് ലോകത്തിനു ശ്രീമദ് ഭഗവദ് ഗീത നൽകിയത്. ഗീതയിൽ കൃഷ്ണൻ ഉപദേശിച്ചത് കടമ ചെയ്യുമ്പോൾ ഫലത്തിൽ ആസക്തരാകരുത് എന്ന കർമ്മയോഗവും, ദൈവത്തിൽ അചഞ്ചലമായ ഭക്തി പുലർത്തുക എന്ന ഭക്തിയോഗവും, ആത്മാവ് അജരാമരമാണെന്ന് തിരിച്ചറിയുക എന്ന ജ്ഞാനയോഗവും, സുഖദുഃഖങ്ങളിലും ജയപരാജയങ്ങളിലും ഒരേ മനസ്സാക്ഷി പുലർത്തുക എന്ന സമദർശിത്വവും, ഓരോരുത്തരും സ്വന്തം സ്വധർമ്മം പാലിക്കേണ്ടത് എന്ന ധർമ്മത്തിന്റെ മഹത്വവും, എല്ലാം ദൈവത്തിന്റെ കീഴിലാണ്, സർവ്വേശ്വരൻ തന്നെയാണ് സർവ്വസാക്ഷി എന്ന വിശ്വരൂപതത്ത്വവുമാണ്. ജീവിതാവസാനം വേട്ടക്കാരന്റെ അമ്പ് കാൽമുട്ടിൽ തട്ടിയപ്പോൾ കൃഷ്ണന്റെ ദേഹാവസാനം നടന്നു, ദ്വാരകനഗരം സമുദ്രത്തിൽ മുങ്ങി. എന്നാൽ അദ്ദേഹത്തിന്റെ ജീവിതവും ഗീതാപദേശങ്ങളും ഇന്നും ലോകത്തിന് ദീപസ്തംഭമായി തുടരുന്നു. ധർമ്മം കാത്ത്, ഭക്തിയിൽ ഉറച്ചു, കടമകൾ നിർവഹിച്ചു, ആത്മാവിനെ തിരിച്ചറിഞ്ഞാൽ മാത്രമേ യഥാർത്ഥ വിജയം ലഭിക്കൂ എന്നതാണ് കൃഷ്ണജീവിതവും ഗീതയും ചേർന്നുനിൽക്കുന്ന മഹാസന്ദേശം. ഭഗവാൻ കൃഷ്ണന്റെ ഗീതോപദേശം കോടാനുകോടി ജനങ്ങളിൽ ഇന്നും ഉണർന്നിരിക്കുന്ന ശാശ്വതസന്ദേശമാണ്. ശ്രീകൃഷ്ണ ജയന്തി ആശംസകൾ🙏❤️💚❤️