#👩‍🍳 പാചകലോകം +------+-------+------+-------+ _*🌶 ഇന്നത്തെ പാചകം 🍳*_ _*ബട്ടർ നാൻ*_ +--------+------+------+-----+ ```ചപ്പാത്തി തിന്ന് മടുത്തവർക്കായി ഇടക്ക്‌ ബട്ടർ നാൻ ഉണ്ടാക്കി നോക്കിയാലൊ... ഇന്നത്തെ പാചകത്തിൽ ഇന്ന് നമുക്ക്‌ എങ്ങനെ നാൻ ഉണ്ടാക്കാം എന്ന് നോക്കാം..``` ________________________ _*ചേരുവകള്‍*_ _________________________ _മൈദ -3 കപ്പ്_ _ഗോതമ്പ് പൊടി -1 കപ്പ്_ _ബേക്കിങ് പൗഡർ -അര ടീസ്പൂൺ_ _മുട്ട -ഒന്ന്_ _പഞ്ചസാര -കാൽ കപ്പ്_ _പാൽ -ഒരു കപ്പ്_ _ബട്ടർ -100 ഗ്രാം_ _ഉപ്പ് -ആവശ്യത്തിന്_ ________________________ _*പുളിപ്പിക്കാൻ*_ ________________________ _യീസ്റ്റ് -ഒന്നര ടീസ്പൂൺ_ _ചൂടുപാൽ -രണ്ടു ടീസ്പൂൺ_ _പഞ്ചസാര -അര ടീസ്പൂൺ_ _തൈര് -ഒരു ടീസ്പൂൺ_ ________________________ _*തയ്യാറാക്കുന്ന വിധം*_ ________________________ _പുളിപ്പിക്കാനുള്ള യീസ്റ്റ്, പഞ്ചസാര, ചൂടുപാൽ, തൈര് എന്നിവ യോജിപ്പിച്ചു പൊങ്ങാൻ മാറ്റിവെക്കുക.മൈദ, ഗോതമ്പുപൊടി, ബേക്കിങ് പൗഡർ, മുട്ട, പാൽ, ബട്ടർ, ഉപ്പ് എന്നിവയും നേരത്തേ തയാറാക്കിയ യീസ്റ്റ് മിശ്രിതവുമായി യോജിപ്പിച്ചു ചപ്പാത്തി രൂപത്തിൽ കുഴച്ചെടുക്കുക. ഈ മിശ്രിതം പൊങ്ങാനായി രണ്ട് മണിക്കൂർ മാറ്റിവെക്കണം. ഒരു നനഞ്ഞ തുണി കൊണ്ട് മൂടി വെക്കണം_ _രണ്ട് മണിക്കൂറിന് ശേഷം ചെറുതായി പൊങ്ങിയ മിശ്രിതം ചപ്പാത്തിക്ക് എടുക്കുന്നതിനേക്കാൾ അൽപം വലിയ ഉരുളകളാക്കുക. കട്ടികൂട്ടി പരത്തി തവയിലോ നോൺസ്റ്റിക് പാനിലോ ചുട്ടെടുക്കാം. പാനിലിട്ട് ചെറുതായി ചൂടാക്കിയ ശേഷം തീയിൽ പൊള്ളിച്ചും ചുട്ടെടുക്കാവുന്നതാണ്. ഇരുവശവും ബട്ടർ പുരട്ടി ചൂടോടെ ഉപയോഗിക്കാം._ _ബട്ടര്‍ ചൂടാക്കി ഇതില്‍ തീരെ ചെറുതായി ഗ്രേറ്റ് ചെയ്ത വെളുത്തുള്ളി മൂപ്പിച്ചെടുത്ത് മാവിനോടൊപ്പം കുഴച്ചാൽ ഗാർലിക് നാൻ ഉണ്ടാക്കിയെടുക്കാം. അരിഞ്ഞ മല്ലിയില നാനിന് മുകളിലിട്ട് അലങ്കരിക്കാവുന്നതാണ്.ബട്ടർ ചിക്കൻ, ഗാർലിക് ചിക്കൻ, പനീർ മസാല എന്നീ കറികളാണ് ബട്ടർ നാനിനൊപ്പം കഴിക്കേണ്ടത്._ +--------+-------+------+-------+